ಅರವಿಂದ.ಜಿ.ಜೋಷಿ ಮೈಸೂರು ಅವರು ಬರೆದ ಕವಿತೆ ‘ನಗರವಾಸಿಗಳು ನಾವು’

ನಗರ ವಾಸಿಗಳು ನಾವು
ನಗೆಯನೇ ಮರೆತು
ಹೊಗೆಯನು ಸೇವಿಸುತ
ರೋಗಿಗಳಾಗಿ ಬದುಕುತಿಹೆವು ನಾವು.

ನಗರ ವಾಸಿಗಳು ನಾವು
ಹಗಲಿರುಳನೇ ಮರೆತು
ಹಣ ಗಳಿಕೆಯಲೇ ಬೆರೆತು
ಹಳವಿಸುತ ಬದುಕುತಿಹೆವು ನಾವು.

ನಗರ ವಾಸಿಗಳು ನಾವು
ನೆರೆಹೊರೆಯವರನು ಮರೆತು
ನನ್ನತ್ವದಲೇ ಕೊಳೆತು
ತೋರಿಕೆಗಾಗಿ ಬದುಕುತಿಹೆವು ನಾವು.

ನಗರ ವಾಸಿಗಳು ನಾವು
ಆಚರಣಿಗಳನು ಮರೆತು
ಆಡಂಬರಕೆಗೆ ನೇತಾಡುತ
ಆಯುಸ್ಸು ಸವೆಸುತಿಹೆವು ನಾವು