ಸುವರ್ಣ ಕುಂಬಾರ ಅವರು ಬರೆದ ಕವಿತೆ ‘ಅಪ್ಪನಾದ ಅಮ್ಮ’

ಅಪ್ಪ ನಿಲುಕದ ಆಕಾಶ
ನಾ ಕಣ್ಣ ಬಿಟ್ಟ ದಿನದಿಂದ
ಕಾಣದ ಕೈಲಾಸ
ಒಮ್ಮೆಯೂ ಬರಲಿಲ್ಲ ಮನದಲ್ಲಿ
ಅಮ್ಮನ ವಿನಃ ಬೇರೆ ದೇವರು

ತಪ್ಪು ನನ್ನದಲ್ಲಾ
ತಪ್ಪು ಅಮ್ಮನದಲ್ಲಾ
ಆದರೂ ಈ ಘೋರ ವಿಧಿ ಆಟಕ್ಕೆ
ನಾವೂಗಳು ದೂರ
ಆ ಕಾಣದ ಕೈಲಾಸಕೆ

ಭಾವವೆ ಮೂಡಲಿಲ್ಲ
ಬಾನು ಬೇಕೆಂದು ಯಾವಾಗಲೂ
ಅನಿಸಲಿಲ್ಲ
ಅಮ್ಮನ ಮಡಿಲೆ ಕೈಲಾಸ ನನಗೆ
ಅಮ್ಮನ ಹೆಗಲೆ ವೈಕುಂಠವೂ

ತಪವಿಟ್ಟು ಸಾಕುತ್ತಿದ್ದಾಳೆ
ತಲುಪಲು ನನ್ನ ಗುರಿಯನ್ನು
ನನ್ನಲ್ಲಿ ಅವಳಿಗೆ ಜೀವನ ಸಾರವೂ
ಕೈಯಾ ಮುಗಿಯುವೇ ಓ ಭಗವಂತ
ಈ ದೇವರು ಇರಲಿ ಎಲ್ಲರ ಗುಡಿಯಲ್ಲಿ