ಬಹುದಿನಗಳ ಆಸೆ
ಸಿದ್ದಾರ್ಥನ ವಾಕ್ಯದಂತೆ
ಆಸೆಗಳ ಆಸರೆಯಿಲ್ಲದೆ
ಬದುಕಿನುದ್ದಕ್ಕೂ ಬದುಕಬೇಕೆನ್ನುವುದು!
ಇತಿಹಾಸದ ಪುಟಗಳಲ್ಲುಳಿಯಬೇಕು
ಯುದ್ಧ ಗೆದ್ದರು ಬಾಹುಬಲಿಯಂತೆ
ತುಂಡು ಬಟ್ಟೆಯಿಲ್ಲದ
ಜಾತಿ – ಧರ್ಮವನ್ನು ತ್ಯಜಿಸಿ
ಮಾನವೀಯತೆಯಿಂದ ಉಳಿಯಬೇಕು!
ನತದೃಷ್ಟನಾದರು ಪರವಾಗಿಲ್ಲ
ಇದ್ದರೆ ಇರಬೇಕು
ಕರುಣಾಮಯಿ ಕರ್ಣನಂತೆ
ಧರ್ಮ -ಅಧರ್ಮವೆನ್ನದೆ
ಸಮಯಕ್ಕಾದವರ ಸಹಾಯಕ್ಕೆ ಸದಾ!
ಸಾಹಸಿಯಂತೆ ಸೋತರು
ಚರಿತ್ರೆಯಲ್ಲಿ ಅಜರಾಮರ ಸದಾ!
ವರ್ತಮಾನದಲ್ಲಿ ಇವರದೆ ವಾರ್ತೆ
ಆಡು ಮುಟ್ಟದ ಸೊಪ್ಪಿಲ್ಲ
ಧೋನಿ ಎತ್ತದ ಕಪ್ಪಿಲ್ಲ
ಕ್ರಿಕೆಟ್ ಲೋಕ ಕಂಡ
ಅಪರೂಪದ ನಾಯಕನಂತೆ
ಬದುಕನ್ನು ಮುನ್ನಡಿಸೋಣ
ತಾಳ್ಮೆಯಿಂದ ಜಾಣ್ಮೆಯಿಂದ
