ಚೇತನ ಭಾರ್ಗವ ಅವರು ಬರೆದ ಕವಿತೆ “ಮೂರು ಗಂಟಿನ ನಂಟು”

ಮದುವೆಯಲಿ ನೆರೆದಿಹರು ಜನರು ಸಾವಿರದೆಂಟು
ಹೊಸ ಕನಸುಗಳ ಮೆರಗು ನವಜೋಡಿಗಳಲುಂಟು
ನೋವು ನಲಿವು ನೂರೆಂಟು
ಒಂಟಿತನಕೆ ಕೊನೆಹೇಳುವ ಬಂಧ ಇಲ್ಲುಂಟು

ಗಂಡು ಕಟ್ಟುವನು ಹೆಣ್ಣಿಗೆ ಮೂರು ಗಂಟು
ಏಳೇಳು ಜನುಮದ ಅನುಬಂಧದ ನಂಟು
ಪ್ರೀತಿ ಪ್ರೇಮ ಸ್ನೇಹ ನಂಬಿಕೆ ಉಂಟು
ಮನಸುಗಳು ಅರಿತರೆ ನೆಮ್ಮದಿಯುಂಟು

ಬದುಕಲಿ ಕಷ್ಟ ಸುಖದ ತಿರುವುಂಟು
ಅರಿತು ನಡೆದರೆ ಜೀವನದಲ್ಲಿ ಸೊಗಸುಂಟು
ಹೊಂದಾಣಿಕೆ ಇದ್ದರೆ ಬಾಳಲಿ ಸಾಮರಸ್ಯವುಂಟು
ಸಮರಸದ ಸಂಗೀತ ಮದುವೆ ಎಂಬ ಬಂಧನದಲುಂಟು

ಸಂಬಂಧವಾಗದಿರಲಿ ಕಗ್ಗಂಟು
ನೆಮ್ಮದಿಯ ಬದುಕಲ್ಲಿ ಹಿತವುಂಟು