ಹೊಲದಲ್ಲಿ ಸುರಿದ ರೈತನ ಬೆವರ ಹನಿಗಿಂತ
ಜಾಸ್ತಿ ಬೆಲೆ ದಲ್ಲಾಳಿ ಬಾಯಿಗೆ ಬಜಾರಿನಲ್ಲಿ
ಅವಶ್ಯಕತೆಗಿಂತ ಆಸೆಯೆ ಜಾಸ್ತಿ
ಕೊಳ್ಳುವರಿಗೆ ಬಜಾರಿನಲ್ಲಿ
ಬಿತ್ತಿ ಬೆಳೆದವನೆ ಹೊತ್ತುಮಾರಬೇಕೆಂದೇನಿಲ್ಲ ಯಾರದೊ
ಕನಸುಗಳು; ಮತ್ತಾರೋ ಬರುವ ಖರೀದಿಗೆ ಬಜಾರಿನಲ್ಲಿ
ಸೋತವರ ರಟ್ಟಿ ಶಕ್ತಿಕಸಿದು;ಹಗಲಿಗಿಂತ ,
ತಕ್ಕಡಿ ರಾತ್ರಿ ತೂಗುವುದೆ ಹೆಚ್ಚಿಗೆ ಬಜಾರಿನಲ್ಲಿ
ಬಂಗಾರ,ನ್ಯಾಯ,ಪರೀಕ್ಷಿಸುವರು ವಿಧ ವಿಧವಾಗಿ
“ಜೊನ್ನವ”ಮನುಷ್ಯ ಅರ್ಹನಲ್ಲ ನಂಬಿಕೆಗೆ ಬಜಾರಿನಲ್ಲಿ
