ತ್ರಿವೇಣಿ ಆರ್. ಹಾಲ್ಕರ್ ಅವರು ಬರೆದ ಕವಿತೆ ‘ಗೌರವದ ಬಳೆ’

ಸುಮ್ಮನಲ್ಲ ತೋಡುವ ಬಳೆ,
ತಿಳಿ ನೀ ಹಿರಿದಿದೆ ಅದರ ಬೆಲೆ,
ಹೀಯಾಳಿಸಿದರೆ ಸುರಿವುದು ಕಷ್ಟಗಳ ಸುರಿಮಳೆ.

ಹೀಯಾಳಿಸಿ ಕಡೆಗಣಿಸಬೇಡ
ನೀನದಕ್ಕೆ ಅಗೌರವ ತೋರಬೇಡ,
ಶಕ್ತಿಯ ರೂಪ ಅದು ನೀ ಮರಿಬೇಡ.

ಆ ಬಳೆ ಇಲ್ಲದೆ ನೀ ಜನಿಸಿಲ್ಲ,
ಅದರ ಸದ್ದಿಲ್ಲದೆ ನೀ ಬೆಳೆದಿಲ್ಲ,
ಕಷ್ಟದಲ್ಲಿ ಅದು ನಿನ್ನ ಕೈ ಬಿಟ್ಟಿಲ್ಲ.

ಬದುಕಲ್ಲಿ ಬಳೆಗೆ ನೀ ಗೌರವ ತೋರು,
ಕೊನೆವರೆಗೂ ನಿನಗೆ ಶ್ರೀರಕ್ಷೆಯಾಗಿ ಕಾಯುವುದು,
ಇಲ್ಲ ನೆನಪಿಟ್ಟುಕೊ ನಿನಗದೆ ಮಹಾಮಾರಿಯಾಗುವುದು…