ಹರೀಶ್ ಎಸ್. ಅವರು ಬರೆದ ಕವಿತೆ ‘ಪ್ರೇಮ ಸಾಂಗತ್ಯ’

ನನಗೆ ಸಾಯುವುದಕ್ಕೆ ಇಷ್ಷವೇ‌‌‌
ನಿನ್ನ ಪ್ರೇಮದ ಮಡಿಲಲ್ಲಿ
ಮಾತ್ರ!
ಪ್ರೇಮದಲ್ಲಿ ಸಾಯುವುದೆಂದರೆ
ಮರಣವಲ್ಲ!

ನನಗೆ ಸಾಯುವುದಕ್ಕೆ ಇಷ್ಟವೇ
ನಿನ್ನ ಅಂಗಾಲಿನ ನೋವಿಗೆ
ಮುಲಾಮಗುತ್ತಾ
ಪ್ರೇಮದಲ್ಲಿ ಸಾಯುವುದೆಂದರೆ
ಮರಣವಲ್ಲ!

ನನಗೆ ಸಾಯುವುದಕ್ಕೆ ಇಷ್ಟವೇ
ರುರುವಿನಂತೆ ಅರ್ಧಾಯುಷ್ಯ ಧಾರೆಯೆರೆದು:
ನಿನ್ನೆಲ್ಲಾ ನೋವಿಗೂ
ನಾನಿರುವೆಯೆಂಬ ಭರವಸೆಯಾಗಿ
ಹೀಗೆ ಪ್ರೇಮದಲ್ಲಿ ಸಾಯುವುದೆಂದರೆ
ಮರಣವಲ್ಲ!

ನನಗೆ ಸಾಯುವುದಕ್ಕೆ ಇಷ್ಟವೇ
ನಿನ್ನ ಚೆಲುವ ಮುಂದೆ;
ನಿನ್ನ ಹದರ,ನಸುಗನ್ನೆ
ಅಂಗಾಲಿಗೆ ಮುತ್ತಿನ
ಮಳೆಸುರಿಸುತಾ
ಪ್ರೇಮದಲ್ಲಿ ಸಾಯುವುದೆಂದರೆ
ಮರಣವಲ್ಲ!

ನನಗೆ ಸಾಯುವುದಕ್ಕೆ ಇಷ್ಷವೇ‌‌‌
ನಿನ್ನ ಕಣ್ಣನೋಟಕ್ಕೆ
ಅರೆಕ್ಷಣ ಹೃದಯ ನಿಂತಾಗ
ನಿನ್ನ ಅಪ್ಪುಗೆಯ ಆಲಿಂಗನವ
ಬಯಸುತಾ
ಪ್ರೇಮದಲ್ಲಿ ಸಾಯುವುದೆಂದರೆ
ಮರಣವಲ್ಲ!

ಎಲ್ಲಿರುವೆ ಗೆಳತಿ ನೀನು..?