ಕವಿತೆಗಳು

ಕೆ. ಮಹಾಂತೇಶ್ ಅವರು ಬರೆದ ಕವಿತೆ ‘ನನ್ನಪ್ಪ’

ನನ್ನಪ್ಪ ನನಗೊಂದು
ಸದಾ ನೆನಪಿಕೊಳ್ಳಬೇಕೆನಿಸುವ
ಸ್ಪೂರ್ತಿಯ ಪ್ರತಿಬಿಂಬ

ನನ್ನಪ್ಪನ್ನೊಳಗಿದ್ದ
ಆ ಚುರುಕುತನ
ಆ ಓಡಾಟದ ಲವಲವಿಕೆ
ದೊಡ್ಡವನಾದರೂ ಸಣ್ಣವರೊಂದಿಗೆ
ಬೆರೆತು ಮಕ್ಕಳಾಗಿರುತ್ತಿದ್ದ
ಆ ಪರಿಯ ವ್ಯಕ್ತಿತ್ವದ ಚಹರೆಗಳು
ಈಗಲೂ ನನಗೆ ಸ್ಪೂರ್ತಿಯ ಸೆಲೆಗಳೇ

ಅಪ್ಪ ನಮಗಾಗಿ ಊರು
ಬಂಧು ಬಳಗವ ಬಿಟ್ಟು ಬಂದವ
ಅಪ್ಪ ನಮಗಾಗಿ ಹತ್ತಿ ಗಿರಣಿಯಲ್ಲಿ
ನಿರಂತರವಾಗಿ ದುಡಿಮೆ ಗೈದವ
ಅಪ್ಪ ಅವ್ವನೊಡಗೂಡಿ ನಮಗೆಲ್ಲ
ಅನ್ನ -ಅಕ್ಷರ ಅರಿವೆ ನೀಡಿ ಬೆಳೆಸಿದವ

ಅಪ್ಪನ ಸದಾ ಒಡನಾಟ
ಧೂಮಪಾನಿಗಳೂ ಕುಡುಕರೊಂದಿಗೆಯೇ
ಆದರೂ ಬದುಕಿನೂದ್ದಕ್ಕೂ ಕುಡಿಯದೆ
ಬೀಡಿಯೂ ಸೇದದೆ ‘ಸಂಭಾವಿತ’ನೆಂಬ
‘ಪಟ್ಟ’ಕಟ್ಟಿಕೊಂಡು ಎಲ್ಲರ ‘ಪ್ರೀತಿ’ಗೆದ್ದವ

ಅಪ್ಪ ಒಬ್ಬ ಕನಸುಗಾರ
ನಮಗಾಗಿ ‘ಮಂಜೂರಾ’ದ
ಜನತಾ ಮನೆಯನ್ನು ಎಲ್ಲರಿಗಿಂತ
ಮುಂಚೆ ಚಿಮಣಿ,ಕಡಪದ ಕಲ್ಲುಗಳು
ಲೈಟುಗಳು ಹಾಗೂ ಬಣ್ಣಗಳಿಂದ ಸುಂದರಗೊಳಿಸಿದವ

ಅಪ್ಪ ಒಬ್ಬ ಸದಾ ‘ಮಿತಹಾರಿ’
ಅಪ್ಪನಿಗೆ ಊಟ ಎಂದರೆ ಅಷ್ಟಕಷ್ಟೇ
ಆದರೆ ಅಪ್ಪನಿಗೆ ಅವ್ವ ಮಾಡಿದ ‘ಪಾಯಸ’ವೆಂದರೆ ‘ಪಂಚಪ್ರಾಣ’
‘ಕಾರ ಮಂಡಕ್ಕಿ ಮೆಣಸಿನ ಕಾಯಿ’
ಜೀವನೂದ್ದಕ್ಕೂ ಅಪ್ಪ ಇಷ್ಟಪಡುತ್ತಿದ್ದ ಖಾಧ್ಯ

ಅಪ್ಪ ದುರಾಸೆಗಳೇ ಇಲ್ಲದ
ಅಪ್ಪಟ ‘ಮಾನವಪ್ರೇಮಿ’
‘ಇನ್ನೊಬ್ಬರ ಕಷ್ಟಕ್ಕೆ‌ ಮಿಡಿಯುತ್ತಿದ್ದ ‘ಪ್ರಾಣಮಿತ್ರ’
ನಾನು ‘ವಕೀಲ’ ನಾಗಿದ್ದು
‘ಜನಚಳವಳಿ ನಾಯಕ’ ನಾದುದ್ದು
‘ಅಂತರ್ ಜಾತಿ’ ವಿವಾಹವಾಗಿದ್ದು
ಅಪ್ಪನಿಗೆ ಎಲ್ಲಿಲ್ಲದ ‘ಹೆಮ್ಮೆ’

ಆದರೆ…
ಎಲ್ಲವನ್ನು ನಮಗಾಗಿ ತ್ಯಾಗ ಮಾಡಿದ
ಇಂತಹ ನನ್ನಪ್ಪ…
ಎಲ್ಲರಿಗೂ ಕಂಡಂತೆ ನನಗೂ
“ಅವ್ವ”ನ ದೈತ್ಯ ವ್ಯಕ್ತಿತ್ವದ ಎದುರು
ಕೇವಲ ಪ್ರತಿಬಿಂಬವಾಗಿ ಯಾಕೆ ಕಾಣುತ್ತಾನೆ?

ಸದಾ ಎಲೆಮರೆಯಾಗಿ ನಿಂತು
ನಾವು ಓಡಿಸುವ ಭವಿಷ್ಯದ
‘ಬದುಕಿನ ಬಂಡಿ’ಯ ನೋಡಿ
ಒಳಗೊಳಗೆ ಖುಷಿಪಡುವ
‘ನಿಸ್ವಾರ್ಥ’ ‌ಮೂರ್ತಿಯಂತೆ
ನನಗೆ ಕಾಣುತ್ತಾನೆ ನನ್ನಪ್ಪ
………..
ಅಪ್ಪಾ ಐ ಲವ್ ಯೂ ಪಾ…

ಕವಿ ಪರಿಚಯ; ಮೂಲತಃ ವಕೀಲನಾಗಿದ್ದರೂ ಕಳೆದ ಎರಡೂವರೆ ದಶಕಗಳಿಂದ ಸಾಮಾಜಿಕ ಕ್ಷೇತ್ರದಲ್ಲಿ ಪೂರ್ಣ ಕೆಲಸ. ಹಲವು ವರ್ಷಗಳ ಕಾಲ ಟಿವಿ-9 ,ಕನ್ನಡ ಪ್ರಭದಲ್ಲಿ ಪತ್ರಕರ್ತನಾಗಿ ಕೆಲಸ.ಪ್ರಸ್ತುತ ಕಾರ್ಮಿಕ ಸಂಘಟನೆ ರಾಜ್ಯ ಕಾರ್ಯದರ್ಶಿಯ ಜವಾಬ್ದಾರಿ ಇದರ ಭಾಗವಾಗಿ 2001 ರಲ್ಲಿ ಅಲ್ಜೀರಿಯಾ, 2006 ರಲ್ಲಿ ಭೂತಾನ್, 2018 ರಲ್ಲಿ ಯೂರೋಪ್ ನ ಸೈಪ್ರಸ್ ಗೆ ಪಯಣ, ಆಸಕ್ತಿಗಳು ಪ್ರವಾಸಕಥನ,ಕಥೆ,ಕಾವ್ಯ ರಚನೆ,ಪ್ರಕಟಣೆಗಳು; 2018 ಒಡಲಾಳದ ಕಥನಗಳು ಕನ್ನಡ ಪುಸ್ತಕ ಪ್ರಾಧಿಕಾರದಿಂದ ಧನಸಹಾಯ ಪುರಸ್ಕೃತ ಕೃತಿ 2015 ಪಿ.ರಾಮಮೂರ್ತಿ ಸಂಕ್ಷಿಪ್ತ ಜೀವನ‌ಚರಿತ್ರೆ, ಇಂಗ್ಲಿಷ್ ನಿಂದ ಅನುವಾದ, ಸಂಪಾದನೆ: ಗೆಲುವು ನಮ್ಮದು ಹೋರಾಟದ ಹಾಡುಗಳ ಪುಸ್ತಕ, ಕರ್ನಾಟಕ ಸಾಹಿತ್ಯ ಅಕಾಡೆಮಿ ಪ್ರಕಟಿಸಿದ ಸೆಬಾಲ್ಡ್ರನ್ ರೈತ ಕಾರ್ಮಿಕ ಸಂಚಿಕೆ ಲೇಖಕ.

SHANKAR G

Share
Published by
SHANKAR G

Recent Posts

ಹೀಗಿತ್ತು ಯೌವನಾಶ್ವ ಆಳುತ್ತಿದ್ದ ನಗರಿ – ಡಾ. ವಿಶ್ವನಾಥ್ ಏನ್. ನೇರಳಕಟ್ಟೆ

ಅಣ್ಣ ಧರ್ಮಜನ ಬಗೆಗೆ ಹೂಮನಸ್ಸನ್ನಿಟ್ಟುಕೊಂಡು ಯೌವನಾಶ್ವನ ಅಶ್ವವನ್ನು ಗೆದ್ದುತರುವ ಹುಮ್ಮಸ್ಸಿನಲ್ಲಿ ವೃಷಧ್ವಜ ಮೇಘನಾದರ ಜೊತೆಗೆ ಹಸ್ತಿನಾವತಿಯಿಂದ ಹೊರಟಿದ್ದ ಅನಿಲಸುತನೀಗ ಭದ್ರಾವತಿ…

56 years ago

ಬೆಳಗಾವಿಯಲ್ಲಿ ಜುಲೈ 21ರಂದು ಕರ್ನಾಟಕ ಸಾಹಿತ್ಯ ಅಕಾಡೆಮಿ ಬೆಳಗಾವಿ ವಲಯದ (7 ಜಿಲ್ಲೆಗಳ) ಯುವಕವಿಗೋಷ್ಠಿ ಕಾರ್ಯಕ್ರಮ

ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಪ್ರತಿಷ್ಠಿತ ಯುವಕವಿಗೋಷ್ಠಿಗೆ ಒಟ್ಟು ೨೩ ಯುವಕವಿಗಳು ಆಯ್ಕೆಯಾಗಿದ್ದು, ಜುಲೈ 21ರಂದು ಬೆಳಗಾವಿಯಲ್ಲಿ ನಡೆಯಲಿದೆ. ಕಾರ್ಯಕ್ರಮದ ಉದ್ಘಾಟನೆಯನ್ನು…

56 years ago

ತುಮಕೂರಿನಲ್ಲಿ ಜುಲೈ ೧೦ರಂದು ಕರ್ನಾಟಕ ಸಾಹಿತ್ಯ ಅಕಾಡೆಮಿ ಬೆಂಗಳೂರು ವಲಯದ (8 ಜಿಲ್ಲೆಗಳ) ಯುವಕವಿಗೋಷ್ಠಿ ಕಾರ್ಯಕ್ರಮ

ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಪ್ರತಿಷ್ಠಿತ ಯುವಕವಿಗೋಷ್ಠಿಗೆ ಒಟ್ಟು ೨೩ ಯುವಕವಿಗಳು ಆಯ್ಕೆಯಾಗಿದ್ದು, ಜುಲೈ ೧೦ರಂದು ತುಮಕೂರಿನಲ್ಲಿ ನಡೆಯಲಿದೆ. ಈ ಕಾರ್ಯಕ್ರಮಕ್ಕೆ…

56 years ago