ಒಲೆ ಹಚ್ಚಿ
ಚೆಂದದ ರಂಗೋಲಿ ಹಾಕಿ,
ಬದುಕು ಹಸನುಗೊಳಿಸುತಾ
ಸಾಗಿದರೂ
ಅನುಮತಿ ಪಡೆಯಲೇ ಬೇಕು!
ಕೂರಲು ಮಾತಾಡಲು
ನೆರೆಮನೆಯ ಗೆಳತಿಯರೊಡನೆ
ಹರಟೆಯೊಡೆಯಲು
ಅನುಮತಿ ಪಡೆಯಲೇ ಬೇಕು!
ಮನೆಯೆಲ್ಲಾ ಕಾರ‌್ಯಗಳ ಮುಗಿಸಿ
ದಣಿದೂ ಅವನ ತಣಿಸಬೇಕು
ನೆಪಗಳ ಹೇಳುವಂತಿಲ್ಲ
ನೆಪಗಳೇನಿದ್ದರೂ ಅವನ ಸ್ವತ್ತು!
ಒಂದು ಮಾತನಾಡಿದರೆ ಹೆಚ್ಚು
ಒಂದು ಮಾತನಾಡಿದರೆ ಕಡಿಮೆ
ಮೌನವಾಗಿದ್ದರೂ ಬೈಗುಳ!
ಒಟ್ಟಿನಲ್ಲಿ ಬೈಗುಳ ತಪ್ಪಿದಲ್ಲ;
ಜೋರು ಮಾತನಾಡುತ್ತಾ
ನಗುತ್ತಿದ್ದರೆ ಗಂಡುಬೀರಿ!
ಮೌನವಾಗಿ ದುಃಖದ
ಮಡುವಿನಲ್ಲಿದ್ದರೆ ಅಳುಮುಂಜಿ!
ನಗುವುದಕ್ಕೂ ಅಳುವುದಕ್ಕೂ
ಮಾತಾನಾಡವುದಕ್ಕೂ
ಅನುಮತಿ ಪಡೆಯಲೇ ಬೇಕು!
ಹಾಕುವ ಅರಿವೆಯಿಂದ
ನಡಿಗೆ, ನೋಟದವರೆಗೆ
ಸಾವಿರಾರು ಲೆಕ್ಕಾಚಾರ!
ಕನಸು ಕಾಣಲು
ಬದುಕಿ ಬಾಳಲು
ಅಲಿಖಿತ ನಿಯಮಗಳ
ಸರಮಾಲೆ
ಅವಳಿಗೆ ಮಾತ್ರ!
ದೇಹ ಕಲ್ಲಾದರೂ
ಬದುಕಬಹುದು
ಮನವೇ ಕಲ್ಲಾದರೆ…?
ಅವಳು ಕಲ್ಲಾಗಬೇಕು,
ಅಗ್ನಿ ಪ್ರವೇಶಿಸಬೇಕು!
ಮೊದಲಿನಿಂದಲೂ ಹೀಗೆ
ನಿಯಮಗಳ ಸರಮಾಲೆ
ಅವಳಿಗೆ ಮಾತ್ರ!
ಫಲಿತಾಂಶದ ನಿರ್ಧಾರ
ಗಂಡಸಿನದ್ದು;
ಪರೀಕ್ಷೆಗಳೆಲ್ಲಾ ಅವಳಿಗೆ ಮಾತ್ರ!
ಪ್ರೀತಿಯ ಓದುಗರೇ, ನಿಮ್ಮ ಬೆಂಬಲದಿಂದಾಗಿ ಮಿಂಚುಳ್ಳಿ ಪ್ರಕಾಶನದಲ್ಲಿ ಪ್ರಕಟಿಸಿರುವ ಎಲ್ಲ ಪುಸ್ತಕಗಳ ಪ್ರತಿಗಳು ಖಾಲಿಯಾಗಿವೆ. ವಿಶೇಷವಾಗಿ "ಬಿದಿರ ತಡಿಕೆ", "ಮಳೆ…
ದಿನಾಂಕ 24/11/2024ರಂದು ಕೊಪ್ಪಳದ ಸರ್ಕಾರಿ ನೌಕರರ ಭವನದಲ್ಲಿ ೨೦೨೪ನೇ ಸಾಲಿನ ಕವಿ ಗವಿಸಿದ್ಧ ಎನ್. ಬಳ್ಳಾರಿ ಸಾಹಿತ್ಯೋತ್ಸವ ಕಾರ್ಯಕ್ರಮ ನಡೆಯಲಿದೆ.…
ಎಲ್ಲರೂ ಸೌಖ್ಯವಾಗಿದ್ದೀರಿ ಎಂಬ ಭಾವದೊಂದಿಗೆ ತಮ್ಮ ಮುಂದೆ ಗಜಲ್ ಗಂಗೋತ್ರಿಯ ಸಮೇತ ಅದೂ ಗಜಲ್ ಬಾನಂಗಳದಲ್ಲಿ ಮಿಂಚಿ ಮರೆಯಾದ ಶಾಯರ್…
