ಸಿಕ್ಕಾಪಟ್ಟೆ ಇದ್ದವು ಮಾತುಗಳು
ಎಷ್ಟೆಂದರೆ ಸಂಖ್ಯೆಯಲ್ಲಿ ಎಣಿಸಲಾಗದಷ್ಟು
ಆಕಾಶದ ನಕ್ಷತ್ರಗಳನ್ನಾದರೂ ಎಣಿಸಬಹುದು
ಎದೆಯ ಮಾತುಗಳನ್ನಲ್ಲ
ಎದೆಯೊಳಗೆ ಅಡ್ಡಾಡಿದವು
ತುಂಬಿಕೊಂಡವು ನದಿಯಂತೆ
ಸಂಯಮದ ಅಣೆಕಟ್ಟು ಕಟ್ಟಿದ್ದೇ ತೀವ್ರ ನೋವನ್ನು
ಎದೆ ನಡುವಲ್ಲಿ ನೆಟ್ಟವು
ಉಕ್ಕಿದವು
ಹೊರಳಿದವು
ಕೂಗಿದವು ಆಕ್ರೋಶದಲ್ಲಿ
ಕನಸಿನಲ್ಲಿ ಕನವರಿಸಿದವು
ಅಣೆಕಟ್ಟಿನ ತೂಬನ್ನು
ತೆರೆದು ಬಿಡು ಎಂದು
ಏನೂ ಹೇಳುವಂತಿರಲಿಲ್ಲ ನಾನು
ಅದು ಹರಟೆ ಕಟ್ಟೆಯ ಮಾತಾಗಿರಲಿಲ್ಲ
ಹಂಚುವಂತಿರಲಿಲ್ಲ
ಅದು ತೀರ್ಥಪ್ರಸಾದ ಆಗಿರಲಿಲ್ಲ
ಒಪ್ಪಿಸಬೇಕಿತ್ತು ನಿನ್ನೆದೆಗೆ
ನಿನ್ನ ಅಪ್ಪುಗೆ ಮಾತ್ರ ಬೇಕಿತ್ತು
ಈಗಲೂ ನೀನು ಬರುವ ಸೂಚನೆಗಳಿಲ್ಲ
ಅವುಗಳ ಭೋರ್ಗರೆತವೂ ನಿಂತಿಲ್ಲ
ಅಣ್ಣ ಧರ್ಮಜನ ಬಗೆಗೆ ಹೂಮನಸ್ಸನ್ನಿಟ್ಟುಕೊಂಡು ಯೌವನಾಶ್ವನ ಅಶ್ವವನ್ನು ಗೆದ್ದುತರುವ ಹುಮ್ಮಸ್ಸಿನಲ್ಲಿ ವೃಷಧ್ವಜ ಮೇಘನಾದರ ಜೊತೆಗೆ ಹಸ್ತಿನಾವತಿಯಿಂದ ಹೊರಟಿದ್ದ ಅನಿಲಸುತನೀಗ ಭದ್ರಾವತಿ…
ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಪ್ರತಿಷ್ಠಿತ ಯುವಕವಿಗೋಷ್ಠಿಗೆ ಒಟ್ಟು ೨೩ ಯುವಕವಿಗಳು ಆಯ್ಕೆಯಾಗಿದ್ದು, ಜುಲೈ 21ರಂದು ಬೆಳಗಾವಿಯಲ್ಲಿ ನಡೆಯಲಿದೆ. ಕಾರ್ಯಕ್ರಮದ ಉದ್ಘಾಟನೆಯನ್ನು…
ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಪ್ರತಿಷ್ಠಿತ ಯುವಕವಿಗೋಷ್ಠಿಗೆ ಒಟ್ಟು ೨೩ ಯುವಕವಿಗಳು ಆಯ್ಕೆಯಾಗಿದ್ದು, ಜುಲೈ ೧೦ರಂದು ತುಮಕೂರಿನಲ್ಲಿ ನಡೆಯಲಿದೆ. ಈ ಕಾರ್ಯಕ್ರಮಕ್ಕೆ…