ಕವಿತೆಗಳು

ಷಣ್ಮುಖಾರಾಧ್ಯ ಕೆ ಪಿ ಕಲ್ಲೂಡಿ ಅವರು ಬರೆದ ಕವಿತೆ ‘ಸಂಭಾಷಣೆ’

ಶುರುವಾಗಿದೆ ಮುಂಗಾರಿನ ಹನಿಗಳ ಪಯಣ
ಬಿಸಿಯಾದ ನೆಲಕೆ ನೀಡಲು ತಂಪಿನ ಚುಂಬನ
ಆ ಧಾರೆಗೆ ದಾರಿಯಲ್ಲಿ ಸಿಲುಕಿದೆ ಎರಡು ಮೌನ
ಕೊಡೆಯಡಿಯಲ್ಲಿ ಸೆರೆಯಾಗಿದೆ ಅವರಿಬ್ಬರ ಗಮನ

ಕಾಯುತಿವೆ ಕಾರ್ಮೋಡಗಳು ಕಾಣಲು ಮೇಲಿಂದ
ಕಾಮನ ಬಿಲ್ಲು ಮೂಡಲು ಇವರಿಬ್ಬರ ಮನಸಿನಿಂದ
ನಡು ದಾರಿಯಲ್ಲಿ ಅಪಹರಣವಾಗಿತ್ತು ಇಬ್ಬರ ಒಲವು
ಸಂಕೋಚದ ಈ ಸಂಚಲ್ಲಿ ಸಿಕ್ಕಿತ್ತು ಇಬ್ಬರಿಗೂ ಗೆಲುವು

ಇದ್ದಲೇ ನಡೆಯುತಿದೆ ಸಂದೇಶಗಳ ವಿನಿಮಯ
ಅಂತರವಿದ್ದರೂ ಅಂತರಂಗಗಳು ಪೂರ್ಣ ತನ್ಮಯ
ಆಲಿಂಗನದ ಆಸ್ವಾದದ ರುಚಿಯನ್ನು ಬೇಡಿತ್ತು ಉಭಯ ಹೃದಯ
ಆಕರ್ಷಣೆಯ ಆಚರಣೆಗೆ ಇದೇ ಸುಂದರ ಸಮಯ

ತಂಗಾಳಿ ಸೆರೆ ಮಾಡಿ ಸರಿಸಿತ್ತು ಎರಡು ಕೊಡೆಗಳನ್ನು
ದಟ್ಟ ಇರುಳಲ್ಲಿ ಮಿಂಚು ಹಚ್ಚಿತ್ತು ಕಂಗಳಲ್ಲಿ ಪ್ರೀತಿಯ ಕಿಡಿಗಳನ್ನು
ಮುಂಗುರುಳ ಸರಿಸಿ ಅವಳ ಹಣೆಯ ಮೇಲೆ ಹುಡುಕಿತ್ತು ನೋಟ ಅಕ್ಷರಗಳನ್ನು
ಚುಂಬಿಸಿದರೆ ಮಾತ್ರ ಅರ್ಥವಾಗುವ ಸಂಭಾಷಣೆಯ ಪುಟಗಳನ್ನು

ಬಿಸಿ ಉಸಿರಿನ ನಡುವಲ್ಲಿ ಆವಿಯಾದವು ಹನಿಗಳು
ಬಿಗಿ ಅಪ್ಪುಗೆಯ ಬೆಸುಗೆಯಲ್ಲಿ ಒಂದಾದವು ಜೀವಗಳು

SHANKAR G

View Comments

  • ಕಾಳಿದಾಸನ ಮೇಘ ಸಂದೇಶ್ ಕೇಳಿ ಪುಲಾಕಿತಾನಾಗಿದ್ದೆ. ಈಗ ಕೆ ಪಿ ಕಲ್ಲೋಡಿ ಅವರ ಮುಂಗಾರು ಹನಿಯ ಸಂಭಾಷಣೆ ಒಂದುತರ ಮಜವಾಗಿದೆ. ಪದ ಪುಂಜ, ಸಾಲುಗಳ ಜೋಡಣೆ
    ಅಂತರಂಗದಲ್ಲಿ ತನ್ಮಯವಾಗಿ ಭಾವನೆಗಳನ್ನು
    ಯುವಕರ ಹೃದಯ ತಟ್ಟುವಂತಿದೆ.

Share
Published by
SHANKAR G

Recent Posts

ಹೀಗಿತ್ತು ಯೌವನಾಶ್ವ ಆಳುತ್ತಿದ್ದ ನಗರಿ – ಡಾ. ವಿಶ್ವನಾಥ್ ಏನ್. ನೇರಳಕಟ್ಟೆ

ಅಣ್ಣ ಧರ್ಮಜನ ಬಗೆಗೆ ಹೂಮನಸ್ಸನ್ನಿಟ್ಟುಕೊಂಡು ಯೌವನಾಶ್ವನ ಅಶ್ವವನ್ನು ಗೆದ್ದುತರುವ ಹುಮ್ಮಸ್ಸಿನಲ್ಲಿ ವೃಷಧ್ವಜ ಮೇಘನಾದರ ಜೊತೆಗೆ ಹಸ್ತಿನಾವತಿಯಿಂದ ಹೊರಟಿದ್ದ ಅನಿಲಸುತನೀಗ ಭದ್ರಾವತಿ…

56 years ago

ಬೆಳಗಾವಿಯಲ್ಲಿ ಜುಲೈ 21ರಂದು ಕರ್ನಾಟಕ ಸಾಹಿತ್ಯ ಅಕಾಡೆಮಿ ಬೆಳಗಾವಿ ವಲಯದ (7 ಜಿಲ್ಲೆಗಳ) ಯುವಕವಿಗೋಷ್ಠಿ ಕಾರ್ಯಕ್ರಮ

ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಪ್ರತಿಷ್ಠಿತ ಯುವಕವಿಗೋಷ್ಠಿಗೆ ಒಟ್ಟು ೨೩ ಯುವಕವಿಗಳು ಆಯ್ಕೆಯಾಗಿದ್ದು, ಜುಲೈ 21ರಂದು ಬೆಳಗಾವಿಯಲ್ಲಿ ನಡೆಯಲಿದೆ. ಕಾರ್ಯಕ್ರಮದ ಉದ್ಘಾಟನೆಯನ್ನು…

56 years ago

ತುಮಕೂರಿನಲ್ಲಿ ಜುಲೈ ೧೦ರಂದು ಕರ್ನಾಟಕ ಸಾಹಿತ್ಯ ಅಕಾಡೆಮಿ ಬೆಂಗಳೂರು ವಲಯದ (8 ಜಿಲ್ಲೆಗಳ) ಯುವಕವಿಗೋಷ್ಠಿ ಕಾರ್ಯಕ್ರಮ

ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಪ್ರತಿಷ್ಠಿತ ಯುವಕವಿಗೋಷ್ಠಿಗೆ ಒಟ್ಟು ೨೩ ಯುವಕವಿಗಳು ಆಯ್ಕೆಯಾಗಿದ್ದು, ಜುಲೈ ೧೦ರಂದು ತುಮಕೂರಿನಲ್ಲಿ ನಡೆಯಲಿದೆ. ಈ ಕಾರ್ಯಕ್ರಮಕ್ಕೆ…

56 years ago