ದೊಡ್ಡಬಸಪ್ಪ ಯಾದಗಿರಿ ಅವರು ಬರೆದ ಕವಿತೆ ‘ಮನದ ನೋವು’

ಜಾರಿ ಹೋದ ಮಧುರ ಬಯಕೆ
ಹೃದಯ ನೆನೆದು ಹಾಡಿದೆ
ನಿನ್ನ ಮನದ ನೋವನರಿತ
ಕನಸಿಗಿಂದು ನೆನಪಿದೆ

ಮನದ ಭಾವ ಮಿಲನದೊಳಗೆ
ಕಳೆದ ಗಳಿಗೆ ನೋವಿದೆ
ನನ್ನೊಲವೇ ಪ್ರೇಮ ಸುರಿದು
ನೂರು ತೊರೆಯು ಮಾಡಿದೆ

ಪ್ರೀತಿ ಮಿಡಿತ ಹೃದಯ ಬಡಿತ
ನಾನರಿತೆ ಕ್ಷಣದಲಿ
ಅರಿಯದವಳ ಒಲವಿಗಾಯ್ತೆ
ಬದುಕು ಆಹುತಿ ಜಗದಲಿ

ಪೆದ್ದು ಗೆಳತಿ ಮುಗ್ಧ ಮನದ
ಸಲುಗೆಯೆಂಬ ಬಳ್ಳಿಯು
ಒಡಲ ಜಲವ ಹೀರಿ ಬೆಳೆದು
ಒಲವು ಬಳುಕಿ ಚಿಗುರಲಿ

ಒಲವಿನಾಸೆ ನೆಪವನೂಡಿ
ಬಯಸಿ ಬಂದೆ ನನ್ನಲಿ
ಏನು ಅರಿಯದ ಹೃದಯ ಗೂಡು
ಹೇಗೆ ನಂಬಿ ತೂಗಲಿ?