ಸಿಟ್ಟುಸುಣ್ಣ ಬಯಸಿ ಬಂದು
ನಾಲಿಗೆಗೆ ತಗುಲಿ ಸುಟ್ಟು ಕೊಂಡಿದೆ
ಜಗಳಕ್ಕಿಳಿದ ಅಹಂಕಾರವೆಲ್ಲ ಹರಿದು ಬಂದು
ರುಚಿ ಇಲ್ಲದ ಸತ್ಯವ ಬೇಯಿಸಿಕೊಂಡಿದೆ
ಬಯಲಲ್ಲಿ ಬಿದ್ದ ಬಣ್ಣ
ಮುಪ್ಪಾಗಿ ದೇಹವ ಒಣಗಿಸಿ
ತಸ್ಕರನ ಬಳಿ ಹೋಗಿ
ನ್ಯಾಯದ ಅಧ್ಯಾಯವನು ಓದಿಸಿಕೊಳ್ಳುತ್ತಿದೆ
ಬಯಲಸುಣ್ಣ ಅಂಗಾಂಗಕ್ಕೆ ತಗುಲಿ
ಉಸಿರ ಕೊಳ್ಳಲು ಸರ್ವಾಧಿಕಾರಿಗೆ
ಉಘೇ ಉಘೇ ಎಂದು ಕಿರುಚಿ
ಆ ಬಳಗದ ಬಾಯಿಯ ಒಣಗಿಸಿಕೊಳ್ಳುತ್ತಿದ್ದಾರೆ
ಸುಡುವ ಸಮಯ ಭಾವನೆಗಳ ಸುಟ್ಟಂತೆ
ನೆಟ್ಟ ಸಸಿಯೊಂದು ತನ್ನನ್ನೆ ಜರಿದುಕೊಳ್ಳುತ್ತಿದೆ
ಸಮಾಧಿಗೆ ಭೇಟಿ ನೀಡುವ ಉಸಿರು
ದೇಹದ ಮೇಲೆ ಬದುಕ ಬರೆ ಎಳಿದೀತೇ!?
ಹಗಲು ರಾತ್ರಿಯಲಿ ಓದಿದ ಇತಿಹಾಸವನು
ಅಕ್ಷರಕೆ ಕರೆಕೊಟ್ಟು ಪ್ರತಿಭಟಿಸಲಾದೀತೇ!?
ನಕ್ಕಾಗ ಬಿದ್ದ ನಗುವೆಲ್ಲವು
ಹೊಲದ ಬದಿಯಲ್ಲಿ ಹೂವಾಗಿ ಅರಳೀತೆ?
ಕಣ್ಣು ಕುಕ್ಕುವ ಕನಸುಗಳೆಲ್ಲವು
ಎಚ್ಚರಿಸಲು ಭಯವ ಎದೆಗೆ ನಾಟಿಸೀತೆ!?
ಬಯಲಿಗೆ ಬಿದ್ದ ಬಣ್ಣ
ಬದುಕಲಿ ಹೊಕ್ಕ ಸಿಟ್ಟುಸುಣ್ಣ
ಜೀವನ ಶೈಲಿಯನು ಬದಲಿಸೀತೆ!?
ದೂರದಲೇ ನಿಂದು ನಿಂದಿಸೀತೆ!?
ಅಣ್ಣ ಧರ್ಮಜನ ಬಗೆಗೆ ಹೂಮನಸ್ಸನ್ನಿಟ್ಟುಕೊಂಡು ಯೌವನಾಶ್ವನ ಅಶ್ವವನ್ನು ಗೆದ್ದುತರುವ ಹುಮ್ಮಸ್ಸಿನಲ್ಲಿ ವೃಷಧ್ವಜ ಮೇಘನಾದರ ಜೊತೆಗೆ ಹಸ್ತಿನಾವತಿಯಿಂದ ಹೊರಟಿದ್ದ ಅನಿಲಸುತನೀಗ ಭದ್ರಾವತಿ…
ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಪ್ರತಿಷ್ಠಿತ ಯುವಕವಿಗೋಷ್ಠಿಗೆ ಒಟ್ಟು ೨೩ ಯುವಕವಿಗಳು ಆಯ್ಕೆಯಾಗಿದ್ದು, ಜುಲೈ 21ರಂದು ಬೆಳಗಾವಿಯಲ್ಲಿ ನಡೆಯಲಿದೆ. ಕಾರ್ಯಕ್ರಮದ ಉದ್ಘಾಟನೆಯನ್ನು…
ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಪ್ರತಿಷ್ಠಿತ ಯುವಕವಿಗೋಷ್ಠಿಗೆ ಒಟ್ಟು ೨೩ ಯುವಕವಿಗಳು ಆಯ್ಕೆಯಾಗಿದ್ದು, ಜುಲೈ ೧೦ರಂದು ತುಮಕೂರಿನಲ್ಲಿ ನಡೆಯಲಿದೆ. ಈ ಕಾರ್ಯಕ್ರಮಕ್ಕೆ…