ನನ್ನೊಡಲೊಳು ಚಿಗುರೊಡೆಯುತ್ತಿರುವ
ಗರ್ಭವೇ ನೀ ಹೆಣ್ಣಾಗಿರಬೇಡ…
ಭಾರತಾಂಭೆಯೇ ನಲಗುತ್ತಿರುವ
ಈ ಘಳಿಗೆಯಲಿ
ನೀ ಹೆಣ್ತನವ ತಾಳಬೇಡ ಕೂಸೇ..
ಮೊನ್ನೆ ಮೊನ್ನೆ ಮಣಿಪುರದಲಿ
ಪುರುಷ ಅಹಂಕಾರಕೆ
ಸ್ತ್ರೀಯತ್ವ ಬೆತ್ತಲಾಗಿ
ನಡುರಸ್ತೆಯಲಿ ಹೆಣ್ತನದ
ಯೋನಿಯೊಳು ರಕ್ತ ಸೋರಿದೆ…
ನನ್ನೂರಿನ ಧರ್ಮ ಪರಿಪಾಲಕ
ಗುರುವೊಬ್ಬ…
ಎಳೆ ಶಿಷ್ಯೆಯ ಮೇಲೆ
ಪುರುಷತ್ವದ ಮೊಹರನ್ನೊತ್ತಿದ್ದಾನೆ…
ದೂರದ ಸಿಂಹಳದಲ್ಲಿ
ಬುದ್ಧನ ಪರಿಪಾಲಕನೊಬ್ಬನ
ಚಾಪಲ್ಯಕ್ಕೆ ಹೆಣ್ತನವೊಂದು
ಭೋದಿವೃಕ್ಷದ ಕೆಳಗೆ
ಬಲಿಯಾಗಿದೆ….ಕೂಸೇ…
ಸ್ತ್ರೀಯನ್ನು ಪೂಜಿಸುತ್ತಿದ್ದ
ನಮ್ಮ ಸಂಸ್ಕೃತಿಯಲ್ಲೀಗಾ
ಸ್ತ್ರೀಯೇ ಬಳಕೆಯ ವಸ್ತುವಾಗಿಹಳು
ಸಲೀಸಾಗಿ ಹೆಣ್ತನವ ಕಿತ್ತು
ಸಾಧನೆಗೈದೆವೆಂದು ಬೀಗುವ
ಈ ಪೈಶಾಚಿಕ ಮನಸ್ಸುಗಳಿರುವ
ಈ ಹೊತ್ತಿನಲಿ… ನೀ ಹೆಣ್ಣಾಗಿ
ರೂಪ ತಾಳಬೇಡ ಕೂಸೇ..
ಹಸುಗೂಸಿನ ಲಿಂಗಕ್ಕೆ
ಬಾಯಾಕುವ ಕಾಮುಕರಿರುವ
ಈ ಹೊತ್ತಿನಲಿ
ನಿನ್ನ ಹೇಗೆ ಹೆರಲಿ…
ನಿನ್ನಮ್ಮನೇ ಭಯದಿಂದಿರುವ
ಈ ಸಮಾಜದಿ
ರಕ್ತ ಮಾಂಸವ ಹೊತ್ತಾ…
ಗರ್ಭವೇ.. ನೀ… ಹೆಣ್ಣಿನ ಅಂಗವನು
ಪಡೆಯಬೇಡ…
ನೀ ಹೆಣ್ಣಾಗಬೇಡ…
ಹೆಣ್ತನವ ತಾಳ ಬೇಡ…
ಹೆಣ್ಣು ಉಸಿರಿನಲಿ ಕಣ್ತೆರೆಯಬೇಡ..
ಪ್ರೀತಿಯ ಓದುಗರೇ, ನಿಮ್ಮ ಬೆಂಬಲದಿಂದಾಗಿ ಮಿಂಚುಳ್ಳಿ ಪ್ರಕಾಶನದಲ್ಲಿ ಪ್ರಕಟಿಸಿರುವ ಎಲ್ಲ ಪುಸ್ತಕಗಳ ಪ್ರತಿಗಳು ಖಾಲಿಯಾಗಿವೆ. ವಿಶೇಷವಾಗಿ "ಬಿದಿರ ತಡಿಕೆ", "ಮಳೆ…
ದಿನಾಂಕ 24/11/2024ರಂದು ಕೊಪ್ಪಳದ ಸರ್ಕಾರಿ ನೌಕರರ ಭವನದಲ್ಲಿ ೨೦೨೪ನೇ ಸಾಲಿನ ಕವಿ ಗವಿಸಿದ್ಧ ಎನ್. ಬಳ್ಳಾರಿ ಸಾಹಿತ್ಯೋತ್ಸವ ಕಾರ್ಯಕ್ರಮ ನಡೆಯಲಿದೆ.…
ಎಲ್ಲರೂ ಸೌಖ್ಯವಾಗಿದ್ದೀರಿ ಎಂಬ ಭಾವದೊಂದಿಗೆ ತಮ್ಮ ಮುಂದೆ ಗಜಲ್ ಗಂಗೋತ್ರಿಯ ಸಮೇತ ಅದೂ ಗಜಲ್ ಬಾನಂಗಳದಲ್ಲಿ ಮಿಂಚಿ ಮರೆಯಾದ ಶಾಯರ್…
